Open data, per quale, perchè?



U cuncettu

L’ apertura di i dati publichi cusiste à mette à dispusizione di i citatini, di l’imprese, di i circatori, di l’associ è ancu d’altri settori pubiichi, l’inseme di i dati numerichi chì e cullettività producenu in l’attività cutidiana soia :
- infurmazione geugrafiche
- statistiche
- lucalizazione di i servizii
- testi regulamentari,
- studii, misure, scale,
- infurmazione trasporti,
- annuari, etc.
St’andatura cerca à permette u riimpiegu di sti dati da altri lugiziali è appiegazione da megliurà i servizii à l’abitanti o da inventà ne d’altri novi, da fà nasce cunniscenze nove, da arricchisce u dibattitu pubiicu… 

 

A mossa Open Data (dati aperti)

A mossa « Open Data » (o « dati aperti ») hè una dimarchja larga di più di publicazione di dati numerichi in ligna. Porta a guaranzia di u so accessu liberu è di u so riimpiegu da tutti. Sta dimarchja di publicazione tocca tutti quelli chì anu dati (imprese, associ, urganisimi publichi). Sta visione allargata di l’apertura di i dati si scrive in una avvicinera di demucrazia aperta (Open Gouv). 

L’apertura di i dati pubiichi : una sfida per e cullettività

L’apertura di i dati pubiichi inghjenna oghje parechji interessi chì scumbuglienu azzione à livellu naziunale, europeu, cum’è internaziunale ma dinù cullettività in particulare cità maiò o cummunità urbane. Sta prublematica interrugheghja dapoi un pezzu l’amministrazione à u sensu largu, ch’ella sia di Statu o territuriale.

Hè palisata per e cullettività è l’attori di i territorii cum’è una esigenza di chjarezza di l’azzione pubiica atta à pruvucà u sviluppu di servizii numerichi novi in giru à u sviluppu ecunomicu, suciale è culturale è di l’assestu di u territoriu. L’apertura di i dati publichi testimunieghja di una evoluzione prufonda di a manera di pensà l’usu di i dati è l’emergenza di servizii numerichi innuvanti in giru à l’azzione pubiica è a so apprupriazione da i citatini è da l’imprese.